Twins新歌《雙喜樓》已上架，非常洗腦。
Twins將於明年一月舉行一連八場的紅館show《TWINS SPIRIT演唱會》，昨日（22日）除了是阿Sa蔡卓妍的生日，同時亦是門票公開發售的日子，反應熱烈，開賣半小時隨即售罄，阿Sa更無預警開IG live，並暗示可能加場。除此之外，Twins新歌《雙喜樓》亦於昨日上架。
為迎接22周年這個大派對，Twins便藉着全新演唱會主題曲《雙喜樓》廣邀好友狂歡一番。歌曲由馮翰銘監製、Karen Yee作曲及沐木臣填詞。以簡潔的旋律鋪排出強勁節奏，營造狂歡效果，「靚」、「正」、「Dance」歌詞互相交替，十分洗腦。Twins直言收到這首歌的Demo時已立即愛上，「曲式好有演唱會氣氛，一聽就想跳舞。我哋都好鍾意份詞，聽填詞人講，佢喺十幾年前已經好想以『雙喜樓』做歌名寫份詞俾我哋，講出嗰份成雙成對嘅感覺，而正正就喺Twins 22周年呢個日子，我哋就收到呢份最好嘅禮物。」
