Tyson Yoshi接受越野挑戰與賽道試駕。
Tyson Yoshi預告今年7月8日啟程歐洲舉行婚禮，同月5日及6日亦會在啟德體藝館舉行兩場告別單身演唱會。日前，Tyson Yoshi參加由Mercedes-Benz Hong Kong主辦的「G-Class & AMG Driving Experience 2025」，接受越野挑戰與賽道試駕。雖然Tyson Yoshi忙於籌備演唱會和婚禮，但作為「G-Class真用家」，他一口應承參與，體驗全新純電G580e及一系列AMG超級跑車，展開一場超乎想像的駕駛旅程。
活動於浙江的G-Class Experience Center (G級越野車體驗中心)及AMG Experience Center (AMG體驗中心)舉行。第一站是進行G-Trail越野體驗，越野路段長達2.2公里。Tyso與一眾嘉賓在專業的越野駕駛教練的指導下深度體驗G-Class強悍的越野性能，一同挑戰陡坡、涉水與碎石障礙。試駕完G-Class之後，Tyson急不及待分享，興奮地表示：「我本身都係揸緊G-Class，不過今次揸電動版平治G580e，真係估唔到咁爆。開始時，我驚架車行到中段會比啲大石頂住，點知部車完全無懼個地形，一樣輕鬆越過，好似根本冇受影響咁，真係好堅，堅到我忍唔住爆咗幾句粗口，辛苦大會攝製隊要幫我剪走啲『助語詞』。」駕駛G-Class過癮到令Tyson流露真性情，他又補充：「個G-TURN原地轉圈真係幾誇張，平時打機先會見到呢啲超技術，依家自己真係坐喺車入面，感覺好震撼。」Tyson難掩興奮心情。
隨後，Tyson Yoshi轉戰浙江國際賽車場，體驗一系列AMG超級跑車飛馳賽道。他笑說：「啲車快到好唔現實，最勁係快得嚟，入彎又唔驚，唔會有甩尾感覺。我平時都鍾意揸跑車，今次真正感受到揸跑車係一種樂趣。」被問到這趟旅程與平時駕駛有何不同，Tyson坦言：「平時揸車多數係開工收工，或者去下morning drive，但始終都係正常市區路面狀況，唔會太過癮。今次體驗完全唔同，可以安全地做哂我平時揸車唔敢做嘅嘢，例如踩爆油門、衝斜坡、轉彎都唔驚甩尾，真係玩得夠盡，好爽。跑車同男人一樣，辣得嚟要有安全感，揸車嘅enjoy，乘客都enjoy。」一向寵愛女友的Tyson即將為人夫，坦言：「責任大咗，更加重視安全駕駛，為家庭為工作，都要好好保護自己！」活動期間，Tyson亦不忘在社交平台大曬越野片段與車手造型，引來大批粉絲留言：「你揸車都咁型」、「好想同你一齊去玩G-TURN」、「可唔可以車埋我？」等，引發網絡話題。
立即更新/下載AM730手機APP 體驗升級功能
