戴祖儀怕連累隊友而大喊。
無綫全新綜藝節目《不可能任務》昨晚首播，16名藝人分別接受「動作特技考驗」動作特技的挑戰。
隊長張振朗，帶領戴祖儀、孔德賢、劉頌鵬等8名隊員，接受錢嘉樂及國際級動作導演林迪安為期十天的龍虎武師基本功訓練，包括拉筋、側滾翻、跨腿等動作，看似「小兒科」，但一眾藝人卻「倒瀉籮蟹」。
當中戴祖儀(Joey)不但在拉筋環節中叫苦連天、柔軟度比男隊友還遜色；Joey深怕連累隊友，最終忍不住流下自責的淚水：「我好驚會影響大家嘅進度，我冇乜自信，但又唔想畀人知。所以我會加倍開心同加倍有反應！我其實冇整親，我只係唔明點解我做極都做唔到，我知技巧喺邊，但我都依然係每次都做唔到。自己一直知道呢個問題，但一路冇處理。」
隊長張振朗則坦言擔心Joey：「大家認識嘅Joey係樂天、估唔到佢會因為做唔好啲動作而喊出嚟。」Joey事後接受訪問時坦言，是首次不是因為劇情需要在鏡頭前真喊：「喊到成個豬頭咁，好擔心出到街會唔會好樣衰。」Joey又笑指經歷是次訓練後，更懂得如何「迎難而上」。
而張振朗在節目中亦透露選擇挑戰相關任務的原因：「當年我第一次拍動作戲《包青天(再起風雲)》，當時個武指話我：『你係咪男人嚟，咁都做唔到？』我記得有個動作要原地捉住譚俊彥隻手再扯番上隻馬度，我因為咁墜咗好多次馬，但成個過程最開心係聽到人哋話『你終於似番個男人』，我覺得咁樣辛苦都係值得嘅。」本身是龍虎武師出身的錢嘉樂，坦言是次「出手」是因被張振朗熱誠感動，並勸勉一眾藝人努要展現實力，不要經常用替身。
張振朗拍動作戲《包青天》，被武指直斥：你係咪男人嚟！