黃秋生、蘇玉華、George(歐鎮灝)@P1X3L、陳書昕、陳紫萱等出席《不赦之罪》首映禮。(娛樂組攝)
黃秋生、蘇玉華、George(歐鎮灝)@P1X3L、陳書昕、陳紫萱等出席《不赦之罪》首映禮。蘇玉華大讚劇本非常好，「劇本係首要決定我接唔接部戲重要一環，呢部戲係由兩位新導演及年青編劇作品，係令我好驚奇，於是約佢哋傾偈，無辦法唔接，因為個劇本好有力度，同埋個角色好好，演員見到係唔會推。」話雖如此，但她透露主動提出加戲，就是電影結尾George的對手戲，希望師母能與強姦愛女的犯人直接對話。
黃秋生和蘇玉華在《不赦之罪》演夫妻。(娛樂組攝)
黃秋生和蘇玉華在《不赦之罪》演夫妻，蘇玉華表示二人的對手戲雖不多，笑謂後來「加多咗」，因為是按角色的出發點去取決，角色是否可以立體出現，能否令故事更完整，是整個團隊溝通出來的結果。她指從不因戲份少而要求加，「做得好，一場戲都夠」。
蘇玉華稱自己之前不認識George，但自己有一場跟他的對手戲，對方的出現令她很快代入到角色。她說︰「開頭我係完全唔認識George，真係唔好意思，當我入行去教會見到佢在場，就即時覺得佢帶我進入個個戲。CASTING中演員已經贏一半，今次搵佢係好貼切個角色，見到佢好虛心、好學，係咁迫自己進步，作為一個新演員嚟講係難能可貴。」而George稱接到劇本是非常開心，因為很有發揮。
蘇玉華大讚《不赦之罪》劇本很好。(娛樂組攝)
陳書昕能拿捏到角色需要
對於陳書昕的表現，蘇玉華表示對方的出現，令她與秋生在戲中的「家庭」變得完整，她說︰「大家會睇到佢喺學校、家庭有唔同面貌，我覺得佢作為一個年青演員，佢係好準確拿捏到唔同場口要啲咩嘢，可能同佢有戲劇訓練或者洞察到人係咩一回事，所以佢係令整個family係complete。」
秋生愛搞笑
陳書昕表示跟秋生合作，開初很大壓力，因為對方是前輩，自己希望可以表現最好，怕令對方失望，「秋生哥係拍攝過程俾好多信心我，佢對住我唔係太嚴格，佢好鍾意講笑，佢會係片場搞下爛gag抒援氣氛，我對佢印象是慈父多過嚴父。」她更透露秋生有整蠱其他人，而蘇玉華就指秋生不停唱歌，但感覺像喃嘸風格。
立即更新/下載AM730手機APP 體驗升級功能
