Ad Block Ad Block
娛樂
2023-05-13 20:00:22

中年好聲音|羅啟豪望再挑戰跳舞 李佳透露與龍婷成為閨密

分享:
中年好聲音|羅啟豪望再挑戰跳舞 李佳透露與龍婷成為閨密

李佳透露與龍婷成為閨密。

節目《中年好聲音 追夢之旅》將於明晚(14日)1030分翡翠台播映,節目邀來支嚳儀、曹敏寶擔任主持,並訪問參賽者比賽後的轉變和收穫。

周吉佩講到今次奪冠的心路歷程,他說:「經歷咗好多起起跌跌,有無數次想法係想放棄,從來追夢都係自私行為,同太太一開始係冇共識,係我呈現到畀佢睇我內心原來真係咁堅持,所以都好多謝太太嘅支持,令我每一集都比之前更加好。」

Ad Block
周吉佩分享奪冠的心路歷程。

周吉佩分享奪冠的心路歷程。

獲得第二名的李佳,坦言不會放棄歌唱老師的工作,她說:「如果冇呢班學生,我行唔到嚟呢一步,佢哋一路嘅支持係我最大嘅動力。」經過今次比賽,李佳透露與龍婷成為閨密,李佳原來一開始並不知道龍婷的背景,她說:「一開始對佢唔熟悉,大家話佢好出名,屋企人都叫我去Youtube睇佢啲片,佢一開始係好Cool嘅。」李佳更即場演繹與龍婷首次見面的情況,場面搞笑。龍婷則大讚李佳性格好,她說:「佢唔係好鍾意鬥,就算去到決賽,正常係未到嗰日都唔希望對手知咁多,但佢自己同我講會揀啲咩歌,真係覺得佢好好。」李佳再指與龍婷同是「女漢子」,她說:「有一次喺綵排,中間有啲時間就話不如去食火鍋,我哋竟然就去咗海邊食火鍋!」

獲得第三名的羅啟豪,直言自己有很大的轉變,他說:「我都唔認得依家嘅我,一開始講嘢、揸咪唱歌係震晒,到咗依家好多人話我係180度嘅轉變,但我覺得未到完全自然。」在決賽一舞成名的啟豪,透露之後還想嘗試跳舞,值得大家期待。年紀最大的吳大強則說:「雖然年紀大咗,但都希望老有所為。」大強又指《中年好聲音》在自己心中是無可替代,他說:「我一生人只有一次咋,得到好多人認同我唱歌,真係無比嘅驕傲。」

羅啟豪望再挑戰跳舞 。

羅啟豪望再挑戰跳舞 。

吳大強參加《中年好聲音》感驕傲。

吳大強參加《中年好聲音》感驕傲。

請接受以下私隱政策及免責聲明,以示你同意am730內之私隱政策及免責聲明。了解更多
接受