中年好聲音2︱導演顏米羔唱出rock味 陳俞霏被嘲惡女的弱點

《中年好聲音2》最亮眼選手顏米羔，被喻為顏志恒2.0，他獻唱蘇芮的《誰可相依》，演出充滿爆炸力，唱至尾聲更青筋暴現，最終獲88分佳績，李蕙敏大讚：「你把聲好放，完全唔覺得你有緊張，除咗悲苦仲有一種rock嘅感覺。」伍仲衡則略嫌顏米羔太聲音過爆，能放不能收：「我成日用玉置浩二做例子，佢唱嘅verse唔使點爆，我已經好感動，你爆冇問題，但要學識收。」肥媽聞言即笑言：「恭喜你(顏米羔)，佢竟然用玉置同你比，你多謝佢啦！」

廣州電子樂隊與非門主唱

曾獲兩次5燈的「10燈魔人」陳俞霏，是內地電子樂隊「與非門」的主唱，獻唱葉蒨文《女人的弱點》的她，梳all back髮型上陣型格十足，今次收起city pop chill風企定定深情獻唱，最終獲得82分，伍仲衡指她唱得不夠溫柔：「成首歌都好惡，好似『惡女的弱點』。」張佳添則直指她計錯數：「開頭你要唱得Soft啲，你後面嘅爆先會畀我哋感受到，你依家係『女人的爆點』。」