張與辰與李金凱獲睇好成為三甲。(娛樂組攝)
《中年好聲音3登峯之戰》將於今天(11日)舉行，張與辰、黃博、李金凱、趙浚承、劉洋、占士丁丁以及陳芷盈昨日到啟德啟藝館彩排及揀選比賽出場先後次序。同時，擔任主持的車婉婉亦有在場看他們選位。
張與辰原本想揀最後出場。(娛樂組攝)
想最後一個出場
張與辰以第5名出場，他表示心水是第7，但因為黃博選擇了，「7係上帝數字，如果揀第7，我可以唔使咁早換衫，因為我之後對鞋會好痛，太早換對腳唔得㗎啦！」並搞笑解釋占士丁丁第一出場的原因，「我哋好多個人都試過第一出場，占士丁丁就未試過第一出場，今次到佢，係好公平，哈哈！」
趙浚承和張與辰都是顏值擔當。(娛樂組攝)
會繼續同大家見面
提到今次來到啟德場館比賽，他表示舞台很大，變相行路要快些。他表示一直以來都是抱住玩的心態參賽，「都人到中年，有機會咪試下，既然要試就認真去試，一步步咁玩，做好嚟尊重舞台、節目，無諗過會去到7強。」他預告今次《中年好聲音3》完結不代表真正的結束，日後還有不同工作機會跟大家見面。
他又談到每次上台比賽及彩排都會重溫片段，盡量做到最好。對於他不時要為占士丁丁翻譯，可說是另類合作，他表示與占士丁丁同是教徒，未來會與他一齊繼續做音樂及不同企劃，自己亦希望可以搞多些音樂會，製作多些作品與歌迷保持關係。