趙浚承即場展歌喉顯實力。(娛樂組攝)
《中年好聲音3》8強黃博、張與辰、劉洋、李金凱、趙浚承等，今日在商場舉行記招宣布在啟德舉行首場「中三生」演唱會。趙浚承表示：「演唱會大家一齊構思緊特別嘢，我最近都加緊訓練，但佢哋要我保守秘密。」
問到有甚麼必殺技給觀眾驚喜？「我攞咗一樣沉喺底成20多年，我中學時代學嘅嘢。係樂器嚟，到時演唱會用。(花好多時間練？)係吖，佢哋俾咗好多任務我。所以近排練返好多嘢，做gym吖keep狀態吖，減肥吖。瘦咗少少啦一兩公斤都有，目標係瘦多兩公斤，都差唔多。」
與辰Cos多啦A夢
趙浚承話演唱會有特別嘢，是否又騷8嚿腹肌？「8嚿腹肌都可能會嘅，不過其實又唔係未騷過，嗰陣做組合時寫真都有。其實都冇乜特別，但都要操返fit自己。」
盼邀昔日隊友到場
趙浚承話衣著會有特別服裝，造緊啲衫度咗身。「我都懶，交俾節目組安排。」聽講與辰話cosplay。「咁厲害？cos啲咩先。佢好鍾意多啦A夢，係咪cos佢。」當日你會唱幾多歌？「暫定5首左右啦，因為好多人一齊，大家share。」邀請邊位嘉賓？「我希望邀請返以前組合嘅隊友過嚟睇。其實佢哋都放棄晒，得我磨爛蓆，我係延續佢哋對音樂嘅熱誠。」
李金凱原來係足球小將
他稱明星足球隊成員都會入場，暫時已知有黃日華、徐榮會來看他表演。他稱現時見到中價位的門票仍有大量可以出售，他表示售票情況不是他可以控制，自己只會專注表演。問到劉洋及李金凱的球技，他指李金凱的腳法很好，「佢左、右腳都可以傳波，仲要射到，表現好平均！劉洋就肥咗少少，但見到佢係有學過，佢係有技術嘅！」
他稱如果在香港的日子，在假期會去練波，但稍後將會飛回北京與家人團聚，幫手接送小朋友返學，他苦笑表示小朋友和他視像時，自己的吸引力總是被玩具、電視機吸引