2025-07-23 14:42:18

乙女新夢隊長Rika胡敏嘉兼任粵劇花旦談地下偶像辛酸獲GM曾展望扮貓跳應援舞

由導演火火、吳若希（Jinny）及曾展望（GM）三人主持的TVB Plus直播節目《奇情谷》，昨晚（22日）主題為「日系偶像 x 粵劇花旦」，請來日系女團「乙女新夢」隊長Rika（胡敏嘉）擔任嘉賓。

Rika既是粵劇老師兼花旦，集兩大反差萌於一身，她出場時應火火要求，示範一段日系偶像跟fans打招呼的方式，GM即場自告奮勇擔任應援fans作互動。當Rika每喊出一句日語，GM都會又跳又扮貓叫，玩得非常投入。對於GM豁出去的演出，引來chatroom網民熱烈反應，紛紛留言大讚GM可愛。接住Rika提到日本人欣賞缺憾美，所以自己的「爆牙」成為賣點，她說︰「佢哋覺得太完美嘅話距離太遠…」一旁的GM再度爆seed︰「佢哋鍾唔鍾意眼細嘅人吖。」似有意向日系方向發展，可惜即場被兩位谷主撥冷水，火火笑說︰「你無缺憾，我唔准你咁講，你係完美中嘅完美。」Jinny亦補刀表示︰「做咩啫你，你行開啦。因為你已經唔屬於Rika呢個類別㗎喇，你唔可以參與。」

屬追夢系列賣熱血

節目中，Rika被問到當地下偶像是否不可以拍拖時，她說︰「當年日本女團AKB48都有過『戀愛禁止』嘅傳說，不過無明文規定。不過自己出道頭一、兩年會好驚，驚同邊個一齊，跟住俾人影到，會俾fans上網鬧。」她透露一般日系地下偶像跟fans關係密切，唱歌時會互勾手指，Rika說︰「日系地下偶像主要收入係靠影即影即有相同簽名，大概100蚊影一張相連簽名，好多係賣女朋友感覺，我唔屬於『女朋友系列』，反而屬於『追夢系列』賣熱血。」她講到有部份fans影相時由「俾心心」到拖手，變本加厲到搭膊頭、攬腰挑戰偶像底線。Rika提到過往有位女粉絲，會送情侶鍊、戒指給自己，她說︰「當你一唔戴佢嘅禮物，佢就會問你『點解唔戴』，我會講唔好意思留咗係屋企，下次會戴返，主要係解決問題。而我做偶像嘅初心，係上台唱歌跳舞。」