任賢齊和著名漫畫家馬榮成昨日在尖沙咀出席單車百萬行記者會，一身單車手造型的任賢齊踏單車進場，並即場進行模擬單車比賽。他表示活動完結後要趕飛機到台灣，與導演商討新戲，並透露將會飾演一個大胖子。
今次角色要增磅再減肥，任賢齊稱：「原本導演要求我增30公斤，我說增30磅好了，而家睇營養師安排點樣健康地增肥再減磅。」他又表示怕身體負荷不了，「飲食變肥好快，但要瘦番始終唔會好似後生時咁快。」
留鬍鬚演反派
被嘲似阿叔
任賢齊直言未知新戲何時開拍，「導演希望我挑戰做一個真正嘅演員，嘗試同以往歌手形象唔同嘅角色。」他笑言最近自己都是演反派，「要留鬍鬚，朋友都問我點解變到咁蒼老，好似阿叔。」被問到聖誕節怎麼過，他開心地表示今年會休息一下，陪陪家人，「之後會喺香港拍外景，中間可以同屋企人過節。」