伍允龍今日大方認愛34歲李蔓瑩(Renee)。
現年47歲的伍允龍（Philip）去年憑《九龍城寨之圍城》「王九」一角翻紅，不過感情事卻一直交白卷，向來乖乖仔形象的他，入行多年，僅與TVB兩大女神傳緋聞，分別是鍾嘉欣和劉佩玥。伍允龍昨日(27日)與女伴入場睇林峯演唱會後，今日就大方認愛34歲李蔓瑩(Renee)，令網民相當驚喜。
伍允龍曾與鍾嘉欣拍拖8年。
曾與劉佩玥傳緋聞
伍允龍曾與鍾嘉欣有過一段地下情，二人於2007年合拍電影《十分愛》而傳出緋聞，翌年鍾嘉欣邀請伍允龍擔任MV男主角，令地下情傳得甚囂塵上，感情逐漸浮面，直到2015年二人分手，8年情玩完。伍允龍其後接受訪問，曾沒開名透露女方當年因為電視台給壓力和工作問題「要將我收埋」，更直言：「當時佢好紅，但我係nobody（無名小卒）」。
其後，伍允龍拍攝TVB劇集《城寨英雄》時，與拍檔劉佩玥傳緋聞，二人其後不時以熒幕情侶檔出席活動，更曾公開互讚對方，但卻未有正式公開關係。伍允龍在訪問曾提到在2019年後沒有再拍拖，感情一直冇着落。至於，林峯演唱會前日(26日） 請來鍾嘉欣擔任嘉賓，翌日，舊愛伍允龍又帶新歡Renee 睇騷，網民對於這對「舊相好」前後腳現身紅綰感到十分搞笑，並紛紛在社交網熱議。
伍允龍與劉佩玥拍攝《城寨英雄》而傳出緋聞。
立即更新/下載AM730手機APP 體驗升級功能
