何啟華Dee哥獲fans預祝35歲生日。
ERROR成員何啟華(Dee哥)今日35歲生日，DEEGOR FAN CLUB 昨日(9日)於西九龍文化區戲曲中心，提早為壽星仔舉行生日會，Dee哥戴上黑超大擺pose出場，其後轉look大騷麒麟臂，引來全場High爆尖叫。Dee哥又親手逐一為羊群們(fans暱稱)綁上派對絲帶，非常寵粉。
親解變瘦原因
生日會由旁白君擔任主持，Dee哥被問到為何越來越瘦時，他直言：「辛苦，我都唔知點解咁瘦，可能有部份嘅人都知我拍緊戲，我嘅角色其實唔應該係咁瘦，應該係食多啲嘢去肥，然後我拍咗某幾場戲之後，我就開始地獄式咁去拍戲，就慢慢變咗瘦。」他自言是好事，上鏡更好看。
恨攞舞台劇獎
他預告這齣電影將會是人生一大突破，深信能讓fans們睇足50次。他又透露將會主演度身訂造舞台劇，「對白好似係我自己諗出嚟！」他自言正處於前所未有的最fit演員狀態，希望讓大家看到其最好一面，坦言想獲提名和獲獎。
疏解負面情緒
何啟華回頧上半年的工作，自爆ERROR演唱會中的talk show令他耿耿於懷，坦言諗得太多，影響表現，「我想做嘅嘢，其實唔係呢個時候可以做到嘅嘢嚟。」Dee哥續說：「其實頭半年本身有好多工作排好晒，亦都因為排好晒，我就推晒所有新嘅工作，幾個禮拜之後就同我講呢個工作都冇埋，個心情又再跌一格。」他慶幸仍有廣告工作，沒有工作時，就開始看儒家、道家思想，希望可以改變好差的心情。他特別提到道家思想的「無為」，即是要觀察要走哪一條路，「人生會面對好多困難，我哋會以為佢係困難，但係我哋唯一可以做就係感受佢，係唔係一件值得做嘅事。當係值得做嘅事，件事帶畀你就係順利，就係所講嘅無為，你覺得係啱就行。」他表示完成《甚麼是喜劇》音樂會後，得到好大滿足感，讓他消化負面情緒。
為慶祝何啟華生日，DEEGOR FAN CLUB 今年以「Dream Explore Episode」為主題，於西九龍文化區戲曲中心中庭舉辧生日展，希望藉着今次以夢想為主題的展覽，為大家呈現Dee哥憧憬的演藝的舞台，讓大家更深刻認識他。場內有一系列靚相打卡位，Dee哥在派對完結，亦有在中庭展覽拍照打卡，為展板簽名，又與fans大合照。另外，生日應擾活動設有8個主題戶外電子屏幕廣告，分佈九龍新界的巴士站燈箱廣告及巴士車身廣告， 讓fans打卡。
ADVERTISEMENT
