何雁詩醒覺如何面對Haters落井下石。（蘇文傑攝）
何雁詩（Stephanie）與鄭俊弘早前公開兒子Asher確診患上罕見遺傳病「天使綜合症」後，二人都以樂觀的態度面對，並且帶兒子到美國接受治療，情況更有好轉。不過，早前Stephanie接受訪問時曾透露有不少網民對Asher的病情落井下石，而Stephanie已學會不受留言影響心情。
日前，Stephanie以方皓玟歌曲「假使世界原來不像你的預期」作背景分享了一條短片，並表示最近開始醒覺如何面對haters，她表示：「最近有個醒覺，當你因為一個人好嬲好唔開心，你會覺得點解呢個世界變得咁邪惡，但係當你諗起每一個人都曾經係一個BB，曾經都係被愛被保護，只不過經歷社會嘅洗禮，佢要保護自己。所以當你望住一個好嬲嘅人時候，你幻想佢係一個BB，仲要係一個圓轆轆嘅BB，你就會明白呢個世界可能太苛刻，佢必須要咁樣保護自己，但心裏佢始終都係一個BB，而我都係一個BB，咁BB同BB又有咩好嬲呢！ 」網民都紛紛留言為Stephanie送上正能量，並著她不要被haters的留言打擊。
早前，Stephanie 接受訪問曾坦言在人前絕少展露軟弱一面，對於兒子落井下石的留言已沒再動氣，「好多嘢都唔會嬲，都慣咗。我唔了解佢哋嘅出發點，只能接受大家睇嘅嘢唔同。譬如有個留言好有趣，話：『你個仔都唐唐哋，都幾大鑊！』我本來想覆佢我個仔唔係唐氏綜合症，係天使綜合症，希望let him know純粹分清楚，最後都係覺得唔理得咁多，唔想呢啲嘢影響我開心唔開心，我已經好多嘢要處理，我係無時間。」
ADVERTISEMENT
送香港迪士尼樂園20周年限定精品及一日門票！
