佘詩曼今日（30日）出席「潮人企業家協會第十二屆會董就職典禮」活動。（蘇文傑攝）
佘詩曼（阿佘）今日（30日）出席「潮人企業家協會第十二屆會董就職典禮」活動，她接受訪問分享踏入50歲生日的喜悅：「驚喜中渡過，本身喺度拍嘢，我冇特登請假，原來全部人上晒嚟同我慶祝，食飯嗰陣話俾我聽原來聽日唔使返工，劇組原來出咗一張假通告俾我。就呃我話要返工嘅，大家都玩得好盡興。」講到生日是否有收花，她說：「男士同女士都有送俾我，我收到最多男士嘅就係劇組成班人，監製同埋導演都有送花俾我。」至於是否有追求者送花，她表示：「唔話你知。」她透露並沒有特別與母親慶祝，因為母親在香港，而自己則在內地工作。講到生日願望，她說：「希望屋企人都身體健康。」
佘詩曼接受訪問分享踏入50歲生日的喜悅。（蘇文傑攝）
回應為林峯個唱報「風暴消息」被市民投訴
提到較早前林峯在香港舉行的演唱會播放佘詩曼扮新聞主播的風暴消息短片，惹來市民投訴指發放假消息，她表示：「唔好意思，令到佢（市民）對呢件事有少少緊張，不過都係讚㗎嘛，大家都係太相信，多謝大家！」講到最近與馬天佑拍片合唱《我們什麼都不是》，她說：「點啊覺得得唔得呀？其實我都驚㗎。唱歌都唔係我強項。」至於會否考慮唱劇集歌曲，她表示：「可能啦！但係唱歌唔係我最鍾意做嘅嘢。」
佘詩曼指《新聞女王2》現時的拍攝進度只是拍到一半。（蘇文傑攝）
自爆 《新聞女王2》最新進展
被問到《新聞女王2》是否會成為台慶劇，計劃於在今年11月播出，她直言：「而家仲拍緊，唔知啊！」她繼續指《新聞女王2》現時的拍攝進度只是拍到一半，並笑言：「拍攝都好順利同開心，劇情上都有好多驚喜。」
立即更新/下載AM730手機APP 體驗升級功能
