譚凱琪今日（11日）出席劇集《俠醫》宣傳活動。（娛樂組攝）
譚凱琪今日（11日）出席劇集《俠醫》宣傳活動，她接受訪問分享在劇中演繹的角色：「今次嘅角色係我演戲最大嘅挑戰，跳出咗我自己嘅框架，以前嘅角色都係好正經，到後期可能係女強人，今次演自閉症嘅女仔，呢一個角色需要嘅時間都幾長。」她繼續指最初對於自閉症不太理解，並表示：「因為呢個角色我有機會去接觸一啲協會，同佢哋做過一啲訪問，甚至乎同佢哋一班嘅年青人去打保齡，從而去觀察同埋了解，我用咗最大嘅努力去了解角色去演繹。」她指有參考許多來自不同國家的劇集去揣摩角色。
譚凱琪指有參考許多來自不同國家的劇集去揣摩角色。（娛樂組攝）
指演自閉症角色從演最大挑戰
講到演繹自閉症角色最大的挑戰，她說：「一啲細節嘅位真係難，我都盡量叫自己cut咗啲尾音，講嘢就會自然啲，望人哋都唔好直視人。如果我對啲人特別鍾意，有可能係陳豪，我就會打破隔膜。」她指拍戲時會想起女兒在生活上的點滴，並表示：「佢食到啲唔好食嘅嘢就會擺晒落我個碗，我個碗就好似垃圾桶，今次喺個劇集我唔鍾意食嘅嘢，我就會俾我個妹。」
譚凱琪指拍戲時會想起女兒在生活上的點滴。
劇透丁子朗奸到出汁
講到角色造型衣着恍如傻大姐，她分享：「個造型好得意，監製同埋服裝都有從呢個角色去諗。」講到丁子朗在劇中演出奸角，她表示：「佢就係好奸，我就好純真，我就會遇到俾人陷害嘅事情。」她與丁子朗會有對手戲：「我都諗緊點解佢會對住咁純真嘅人落手，佢奸到嘅程度想置我於死地。」
