Gin Lee不太清楚AGA約滿轉會一事。
GA(江海迦)於13年與環球簽約，有指她快將約滿，並有意轉投華納，環球否認傳聞。與AGA同公司的李幸倪(Gin Lee)今日到電視城錄影《勁歌金曲》時，表示不清楚AGA約滿，坦言大家因疫情而少了聯絡︰「呢排同大家都少聯絡，嚟近幾日會同佢食飯，到時再傾。」對於她們爭做「環球一姐」，Gin Lee認為各有各做，「邊有得鬥，如果佢有任何諗法，一定係經過深思熟慮，我都希望佢發展好。」
新歌一波三折
提到今次在節目獻唱新歌《剛好》，她說︰「呢首歌係有歌迷就嚟結婚，好想用我嘅歌，但一直都搵唔到，於是啟發到我做一隻sweet啲嘅歌，可以俾大家喺任何節日都可以用，於是做咗呢隻R&B嘅歌曲。同埋，呢2、3年大家都抗疫，希望大家聽完可以放鬆下，等大家繼續期盼未來。」她原定2月14日推出，奈何疫情下無法拍MV，於是一直等到3月推出，直到4月底才能拍MV，連帶宣傳工作也要延遲。