昨日(4日)是兒童節，不少藝人都在社交平台上載童年照，MIRROR的「登神CP」Edan(呂爵安)和Anson Lo(盧瀚霆)則來點新意，「妹控」Edan貼了與胞妹「小如豬」的童年合照，笑指「應該係我人生暫時最肥嘅時段」，連隨附送3張妹妹的童年靚相，他寫道：「兒童節為大家送上妹妹絕密可愛靚靚照。」重點是事前沒有問准妹妹，他以hashtag寫著 #冇問過啊妹 #唔知返去洗唔洗跪玻璃 #Po舊相唔會唔比啩。
小如豬備戰DSE 爵屎打氣
隨著妹妹年紀漸長，Edan貼妹妹照片前必須要備案，以往試過因事前未獲批准而遭妹妹「黑圖」放題大報復，正為DSE備戰的小如亦留言：「趁我溫書唔報備，唔係阿媽講我都唔知！」Stanley(邱士縉)則留言：「你唔好搞小如啦！」妹妹的靚相獲「正印」小儀、顏卓靈等大讚靚女，同時亦有不少爵屎留言，為即將考DSE的小如打氣，並等待小如豬po兒登的黑圖玩報復。
教主忍笑拍片
至於「教主」Anson Lo就拍片表示：「睇到呢條片，就同我笑一笑啦！」而他自己也忍不住笑，並po了3張可愛忍笑相，寫道：「快樂，跟我笑一下啦，『好冇』」神待被教主的可愛笑樣電暈，紛紛甜到漏地答好。
