林保怡和陳法蓉今日（1日）出席TVB劇集《刑偵12》宣傳活動。（娛樂組攝）
林保怡和陳法蓉今日（1日）出席TVB劇集《刑偵12》宣傳活動。講到較早前林保怡在劇中逃離醫院火場一幕的情節，他接受訪問表示：「其實爆炸動作鏡頭一定有危險，但係我哋就盡量避免，我被炸彈氣流迫埋牆，我係着咗保護嘅墊，其實地下有好多碎片，係咪好跣呢？都有心理準備。」
TVB劇集《刑偵12》宣傳活動。（娛樂組攝）
《刑偵12》劇名真正意思？
被問到《刑偵12》劇名的真正意思，林保怡直言：「唔講得，有啲話係12單謀殺案，又有啲話12條屍體，12對筷子。」陳法蓉則笑說：「有啲人問我有冇鬼上身，有好多嘅講法，可以俾人哋估吓點解係《刑偵12》唔係《刑偵13》。」提到陳法蓉在劇中帶同陳少邦和姚宏遠一起到訪林保怡家中，網民猜測陳法蓉是幕後黑手，陳法蓉說：「佢哋話有個鏡頭點解我明明上緊你屋企，下個鏡頭攞緊外賣，我已經喺你屋企，咁我哋點樣拍唔通影俾你睇咩？我哋係一齊入咗屋企，跟住去買外賣請我哋食。」林保怡則說：「我買咗外賣落去樓下攞。」陳法蓉繼續說：「咁就估啦！我覺得好多人都有可疑，究竟係咪我呢？就唔准講。」
林保怡和陳法蓉在台上分享劇中的角色。（娛樂組攝）
被問陳慧珊大結局登場幽默回答
至於林保怡疑「人格解離」，陳自瑤陳法蓉惹虛構人物疑雲，林保怡馬上澄清：「全部都係真人嚟㗎喎！不過咁樣諗都好嘅，諗啲唔存在嘅嘢都記得意呀！」被問陳慧珊大結局登場，林保怡表示：「咁呢度係香港，就唔講啦！鍾意劇透就劇透啦！監製話唔講得啊！暫時淨係播到第十集咋，好多觀眾都唔想劇透。」林保怡被問到較早前現身澳門擔任鄭秀文演唱會嘉賓，他分享：「唱歌呢樣嘢幾好玩。返落台嗰陣，Sammi話你都唔驚嘅，好似自己音樂會咁周圍行，我又冇諗住驚，我又好enjoy，見到啲觀眾都好Nice。」至於是否平時有練習唱歌，他直言：「冇㗎！如果有就唔會唱得咁差啦！身為演員嘅我又唔係歌手，如果係職業歌手要更加努力。」
陳慧珊在《刑偵12》大結局驚喜現身。
立即更新/下載AM730手機APP 體驗升級功能
