(左起)曹永廉、陳自瑤、潘志文、林保怡及彭懷安出席《刑偵12》宣傳。(娛樂組攝)
由林保怡、陳自瑤主演的《刑偵12》今日在紅磡做宣傳，「魚蛋妹」王尹菁亦有現身，由於劇中交代彭懷安是陳自瑤的前夫，但因為劇情發展是林保怡跟陳自瑤是一對，所以林保怡、陳自瑤及王尹菁一齊影「全家福」。林保怡、陳自瑤與魚蛋姐做訪問時，二人對魚蛋姐的表現有讚無彈，「佢係阿姐，完全無問題！要當佢係大人咁睇！」並稱她埋位時已經熟晒對白。魚蛋姐稱在片場都過得好開心，更笑謂背對白同背默一樣。
陳自瑤叫彭懷安放馬過來
活動上，大會播出昨晚(23日)彭懷安突襲陳自瑤屋企更向她施暴的影片，王尹菁在片中含住眼淚非常傷心。魚蛋姐表示很多謝陳自瑤帶她入戲，令她埋位時可以很快代入不開心的情緒。談到該場戲，陳自瑤說︰「拍呢啲場口啲男士就好驚，因為驚掂到啲位置會被人話鹹豬手，所以我都好鼓勵佢(彭懷安)，叫佢放盡啲，點都OK！要拍到個真實感！(林保怡︰真係點都OK？唔係咁大膽嘛！)因為佢好驚，當然有啲部位唔OK啦！佢連錫塊面都唔敢錫，都唔知點咁，我就同佢講唔介意，你放膽啲啦！」
彭懷安坦言拍那場戲非常驚青。(娛樂組攝)
立即更新/下載AM730手機APP 體驗升級功能
