林詠倫與隊友阮民安割席，並表示「澄清到口臭」。
由林詠倫（Alan）、阮民安（Tommy）和郁禮賢（Kasa）組成的前男團E-kids 當年憑歌曲《開始戀愛》、《初哥》、《下學期》等紅極一時，不過組合僅4年就解散，成員各散東西。近日，林詠倫（Alan）在社交網拍片透露最新動向，更與因政治事件坐監的阮民安割席，強調自己愛國。
前男團E-kids 當年憑歌曲《開始戀愛》、《初哥》、《下學期》等紅極一時。
片中見Alan身處貨倉，一邊執貨一邊透露自己最新動向，他表示：「好彩叫有老本食，如果唔係真係屎都冇得你食。」Alan 續自爆過去這幾年的辛酸，並指隨著樂壇沒落、組合際遇問題，慢慢變成過氣歌手，及後轉行做過文員、沖奶茶、教跳舞，亦無法養活自己，於是他三年前到廣州發展，簽過兩間公司、開過一埸演唱會，全部都爛尾收場。
最近，回復自由身的他，宣布會跟老友蔡淇浚學做直播帶貨，並謂：「知道蔡淇浚依家一個過氣藝人，直播做得咁成功，我決定加入！就算我口才唔好，成日口窒窒，我都會努力企返起身嘅！其實我今年45㗎喇，如果我再唔搏就可能冇機會，希望喺我努力嘅時候，大家都支持我好冇？」
林詠倫透露最新發展動向，加入直播帶貨行列。
而在另一條片他回答網民的問題，自爆有參加《中年好聲音》，可惜被淘汰；有人問到他有否跟舊隊友聯絡，他即與阮民安割席強調：「今日我就喺度鄭重同大家澄清一下，其實我本身係一個台山人，我係非常之愛國，至於我嘅舊隊友，佢嘅諗法，佢已經承擔咗法律嘅責任㗎喇，希望大家唔好再將我同佢混埋一齊講，有時我澄清都澄清到口臭。」
立即更新/下載AM730手機APP 體驗升級功能
