劉佩玥入圍視后十強。
劉佩玥（Moon）早前迎來入行12年來第一場個人音樂會，在廣州舉行《微笑之道巡迴音樂會》。不過，她演唱《海闊天空》時，唱到又笑又喊，有網民更以猙獰去形容她的表情，因而成為網上熱話。今日她以「最佳女主角」十強身份現時電視城，她對網民的意見照單全收，並稱會督促自己下次做好些。
Moon表示當日好緊張，因在兩個小時內唱十多首，「我唱到中間嘅時候去到《海闊天空》前，突然之間回唔到氣，加上之前首歌我又喊咗，我就用咗另一首歌嘅時間去調整情緒。當聽到呢首歌嘅時候，我有力量，當有返力量時候，可能太投入就無諗其他嘢，我完全忘記要表情管理。」
在旁的陳曉華表示當日亦有在場，指Moon唱的歌都是陪伴大家成長的曲目，演繹令人感動，而她唱《海闊天空》時，的確令現場人都感受到很有力量的感覺。
陳曉華與傅嘉莉為Moon打氣，指她以唱歌新丁來說已經很好。
Moon表示今次音樂會花了很多心思，就算事前準備了很多，都有誤差。她稱有留意到網民的言語，就算讚又好、彈又好，都照單收。她說：「我哋好多時都會有第一次、新接觸，我唔會俾人鬧、批評，面皮好薄，而唔敢向前行，我會勇敢向前行，會虛心受教，會厚面皮、不恥下問，吸納更多意見去進步。」她稱下次會努力俾心機，不足之處會做好些。
劉佩玥對網民的負評照單全收
ADVERTISEMENT
請你睇尋秦記👇原班人馬重現大銀幕🤩
