前無綫藝人劉綽琪今日現身高等法院出席閉門聆訊，她表示因識產權問題，找某律師行代表她，但後期反被律師樓發出禁制令，禁止她公開與律師的WhatsApp對話，於是入稟法院解除禁制令，她謂事件已搞足8個月。她說︰「我由告人變被告，個律師疏忽，仲要出禁制令俾我，四圍搵律師代表，告番原本代表自己嘅律師樓，都冇人夠膽接。」
她說︰「我係有人格障礙症，依家每日要食藥加重劑量，因為好大壓力，由告人變被告，因為佢唔想我告佢間公司。我由今年2月開始喺咁喊，我好想同大家講，可唔可以幫下我呢？係咪覺得集體欺凌係應該？我經歷咗咁多嘢，都好堅強，係咪都可以欣賞下我，係咪一定扮弱者先有人幫？」
劉綽琪的人生頗為坎坷，97年憑參選港姐入行，06年轉投亞視發展，她拍的龜苓膏廣告深入民心。10年前離開香港到美國發展，15年她下嫁患癌外籍男友，陪伴對方度過餘生，有報道指其丈夫於結婚第二年不敵病魔離世。她14歲時曾目睹母親上吊自殺，患有哮喘的她對塵埃、花生、糖果過敏，近年更因為腦癇症曾在家中昏迷，及在街上暈倒，縱使面對重重困境，她表示只希望活得燦爛，不想離開的那天後悔。
