區瑞強與《中聲》的吳大強、占士丁丁明年舉行英文金曲演唱會。
區瑞強(Albert)聯同吳大強(Bill)和占士丁丁(Dan James)於明年1月16及17日，在理工大學賽馬會綜藝館舉行《區瑞強三生有幸英文經典演唱會2026》，3人演繹多首英文經典金曲。Albert連續第3年舉行全英文歌演唱會，他表示英文歌在香港音樂歷史早已存在，希望能夠推廣這個傳統，「以前未有廣東歌嘅時候，大家都係聽英文歌長大，但呢幾十年唱英文歌嘅人愈來愈少，聽英文歌方法同機會亦都愈嚟愈少，喺現場演繹就更加難，我自己就唱咗幾十年英文歌，我做電台亦發覺好多人仍然鍾意聽啲經典嘅英文歌。」
講到邀請吳大強和占士丁丁合作，Albert首先多謝《中年好聲音》發掘這兩位好歌手，又認為他們已非小朋友，唱經典英文歌的感情運用會更佳，「講真唔係每個識英文嘅歌手都可以唱到英文歌，係要唱英文成長嘅人，所以《中年好聲音》呢兩位真係絕無僅有，今次好開心邀請到佢哋合作，享受我哋一齊成長嘅英文歌。」
ADVERTISEMENT
周身骨痛？貼佢啦！送健之堂石墨烯艾草溫熱舒壓貼
