每年6月，多間大專院校嘅新聞系都會派同學到傳媒機構實習。有網民留意到今年TVB實習記者當中，有一位竟然係去年落選港姐！
就讀香港恒生大學新聞傳播學系嘅何思懿(Ceci)，去年參加2022年度港姐打入20強但未能晉級。不過之後Ceci仍然有幕前演出機會，包括喺台慶同一眾女藝員及樊亦敏跳舞，仲企近C位。估唔到Ceci再現身TVB，竟然係去咗新聞部。
曾加入多個商會
據知Ceci社交手腕有返咁上下，大學未畢業已經加入多個商會，參與義工活動，甚至係2022年太平山青年商會籌委會主席。
原文刊登於 Yahoo 娛樂圈
