古天樂與周秀娜現身觀塘apm的《私家偵探》首映禮。(娛樂姐攝)
古天樂、周秀娜、劉冠廷、黃浩然、楊偲泳今晚現身觀塘apm出席《私家偵探》首映禮，古天樂、周秀娜和劉冠廷接受傳媒訪問，在戲中演古天樂太太的周秀娜表示，最深刻是兩人在馬來西亞的公路大吵。憑《陽光普照》獲金馬獎男配角的劉冠廷首次拍港產作品，問他有沒有跟戲中演員學廣東話？古仔忽然說：「咩『雪糕筒』係咪呀？」劉冠廷笑言是，那古仔有沒有教他一兩句？劉笑：「沒有…」忽然想起即謂：「辛苦晒！」古仔笑稱：「我唔知點解佢學咗『雪糕筒』呢個字，唔通係XX懵懵雪糕筒？」說畢自己也笑到彎腰，接著用國語問劉冠廷，劉答謂「因為有冰淇淋可以吃呀！」 古不禁「激動」：「嘩，真係喎！」
戲院結業未必與電影有關
談到多間老牌戲院結業，古天樂表示：「一間戲院結業有好多原因，第一可能租貴，我覺得新舊取締都需要，有啲戲院越搞越細，大戲院經營貴，我唔覺得直接同電影有關係。」 周秀娜認為與經濟環境差有關。問到下半年的電影市道，古天樂表示也有戲開，不算太差，但經濟差會影響投資者信心。
日前古天樂在《Google Cloud Summit 2025》公開一段AI生成影片，結合《明日戰記》及未上映的《尋秦記》元素，談到AI到電影業的影響，古天樂認為，「首先要知道如何應用AI，其次係唔好拒抗，大家成日問AI會唔會取締我哋好多工種，但佢已經出現，要多啲了解。」他不認為電影工作崗位會被取代，「但依家AI普及化，可能係工種改變，但要多啲了解點應對。」
古仔：林峯應該試唔同嘅凳
提到在林峯演唱會上，唱《天命最高》時全場觀眾勁high ，古天樂表示亦有感受到，又透露當晚所穿的全黑服裝是特別訂製。對於林峯爆他喜歡唱K，古天樂說：「我真係好耐無唱K，佢以為我鐘意唱K係年幾前。」而對於林峯的「表凳舞」成熱話，他說：「跳得好好，其實應該試下唔同嘅凳。其實當初佢叫我時，係無諗住做嘅，講下講下話好。」其後又搞笑說「表凳」是表哥與表弟親戚，又叫大家不要想太多。
古天樂視網膜穿洞，他透露將在8月底進行手術，但完全不需再休息。「即刻去打波又得，游水又得。我講錯咗，游水唔得，沖涼都要好小心。」
立即更新/下載AM730手機APP 體驗升級功能
