古天祥除了幕前身份，原來是金屬雕刻大師。（娛樂組攝）
古天祥首個個人金屬雕刻作品展覽昨日（13日）在中環開幕，他表示過去與不同藝術家有聯乘作品展，今次是屬於自己個人，可以擺放自己精心的作品，但亦很開心邀請到電影視覺特效大師黃宏達為他的作品設計製成裱裝外框。
他稱：「做咗咁多年畫作，但我對啲框係無feel，我同黃宏達傾呢個問題，佢叫我根據返每一幅畫嘅主題去做畫框，我覺得好複雜，佢就話同我一齊Crossover玩吓！我真係求之不得！自己邊夠膽向佢搵丫！」
他坦言今次藝術展想告訴給大家知自己這10年來的心路歷程。他指開始接觸金屬雕刻，一切由Harley Davidson 電單車開始。他說：「頭七年做電單車雕刻，之後去做鐘錶，到而家做畫作，今次個人展就好似一個時光隧道見證過去10年努力。」
古天祥直言每一個金屬雕刻的作品，是不能有錯的空間，「因為一錯就返唔到轉頭，所以自己創作又好，幫朋友整又好，因為唔可以有錯嘅空間，所以令到自己好大壓力，目的係要做得靚，如果唔係就嘥哂時間同埋心機。」
提到金屬雕刻家在世界並不算多，問他有沒有開班授徒，他表示有，但並不是每個學生可以上手。他說：「因為要有三個好強嘅要求，包括有畫工、雕工同埋時間，缺一不可，畫得靚，但無時間都唔會有好嘅作品。係呢個條件之下，唔係咁多人去發展，呢類藝術家唔係咁容易發展出嚟。」
問到他在展覽中的作品是否可以供人購買珍藏，他說：「哈哈！我當然想係強迫消費，但藝術呢樣嘢好隨心，自己都好想帶動返香港有另一方面嘅藝術動力同埋發展。（會唔會去其他地方展覽？）會！一定會」
ADVERTISEMENT
立即更新/下載AM730手機APP 體驗升級功能
