鄧麗欣對上一次上叱咤頒獎台已經是拿新人獎的時候。(吳康琦攝)
《2025年度叱咤樂壇流行榜頒獎典禮》頒發由歌迷投選的「我最喜愛的」獎項，等足成晚終於聽到MIRROR名字，MIRROR連續5年得「我最喜愛的組合」，而我最喜愛的男歌手」則由姜濤獲得，在場的姜糖更亮起「姜」字的燈牌，形成一片燈海。
另外，姜濤憑住《On a SunnyDay》 以高票數奪得「我最喜愛的歌曲大獎」由於MIRROR身在澳門表演，因此三個獎項由MakerVille派代表代領。姜濤自2020年起，連續6年冧莊「我最喜愛的歌曲大獎」，破張學友、陳奕迅5度奪「我最喜愛的歌曲大獎」紀錄。
「最喜愛的女歌手」由Stephy鄧麗欣獲得，她在從森美手上接過獎項之後，表示承諾過自己不會哭。她說︰「對上一次上呢個台係23年前，當時拎新人獎，拎完之後落返去覺得同個台好遠，唔知幾時可以再上嚟，之後坐係度幾年，睇住好多歌手上台攞獎，好羨慕佢地好自信咁上台唱歌，自己都有迷忘過、懷疑過，但我冇放棄過，我一直都向前行，無論幾慢、幾細步都繼續向行，多謝投票俾我每一位，原來唔放棄係可以上返嚟，多謝每一位，希望大家千祈唔好放棄，要相信自己繼續向前，只要唔放棄一定會搵到自己嘅舞台。」
ADVERTISEMENT
立即更新/下載AM730手機APP 體驗升級功能
