向佐鬧市扮冇頭人嚇到小朋友O咀 網民：看了不舒服
搞作多多嘅向佐近年主力於內地發展，除咗拍電影、參演內地綜藝節目《披荊斬棘2024》、出廣東歌、開直播帶貨成為熱話。近日，向佐又有新搞作，就係趁住端午節喺鬧市扮「冇頭人」，再一次引起網民熱烈留言。
向佐：今天我才開始我的抽像哈哈！
向佐趁住端午節喺社交網站出PO，上載多張照片，並寫上：「人們說我抽獎、我覺得今天我才開始我的抽像哈哈！」及「Let’s 抽象！」。喺照片中嘅向佐著住紅色運動裝現身於鬧市，仲要扮「冇頭人」過馬路及嚇小朋友等等，有小朋友仲俾佢嚇到O咗咀。
呢個PO出街後，隨即引起網民熱議，大讚佢有創意，例如：「哈哈哈哈童心未泯」、「這個挺有意思的」、「我笑死 哈哈哈哈哈哈 你牛」、「這衣服太有意思了」、「又一次被向佐哥驚艷到了」、「喜感十足，多多營業啊」及「好獨特的感覺 很有新意啊」等等；不過亦有網民對佢呢個行為搲晒頭及唔舒服，留言話「不要嚇壞小孩」、「這創意看了不舒服」、「唉，我有點怕 這幹嘛？」「小心點 不要嚇到路人」、「佢係抽象定抽筋呀？」、「係唔係受咗啲咩刺激」及「無頭定無腦呀 」等等。
原文刊登於 Yahoo 娛樂圈
立即更新/下載AM730手機APP 體驗升級功能
