鄭丹瑞、敖嘉年、蔣家旻及王灝兒等，昨日出席新劇拜神儀式，出道13年的蔣家旻，與在無綫工作逾20年的敖嘉年，首次在電視劇擔任主角。與蔣家旻談到其新戀情，她稱與麥秋成只是朋友，並且冇戀上總理Derek，強調報道並非事實。
最近有報道指蔣家旻的排舞師男友麥秋成不認愛，她把目標轉移到富三代總理Derek，之前Derek包戲院請朋友看電影，她則坐在總理旁邊，猶如女主人，蔣家旻對此回應：「我同Derek響工作上認識，兩次都係佢透過公司聯繫我經理人，然後公司批准，我就出席個活動，而且睇戲係佢安排座位，唔係我主動要求，嗰日經理人都有同我一齊去，所以只係工作上聯繫啫。」
談到和麥秋成現在的關係，蔣家旻稱二人只是朋友，她續說：「我哋識咗好耐，有陣時佢冇時間教我跳舞，會安排另一位老師教我跳舞，兩個月前我都有去搵佢跳舞，所以到依家都係朋友。」
劇中蔣家旻、敖嘉年是欺詐劇團成員，為了欺詐要扮演不同角色。
敖嘉年回巢拍劇當男一
敖嘉年今年初離開電視台，回巢即當上男一，他說：「我哋演員每一日都響到等，等一個機會，呢個機會好緊要，無論係主角又好，配角又好，都係要等，總之會演好每個角色。(甚麼吸引你回來拍劇？)其實杜先生(杜之克)打俾我，話有個劇本好啱我，仲講啲劇情俾我聽，一聽就覺得幾過癮、幾開心，我就同佢講，好，拍！」