吳保錡唔明點解俾人鬧 自稱「白癡蠢人」：我廢㗎 你可以串我
ERROR成員吳保錡今年大年初一分享跟陳百祥(叻哥) 拜年的照片，並開心自言被網民稱為「ViuTV叻仔」，照片一出便掀起脫粉潮。近半年以來，保錡都非常低調，甚少現身幕前，醉心跑步，今日(14日)他於社交網表示：「其實俾人鬧咗一段時間，有一樣嘢真係好唔明。」
近日有網民在社交網發文指：「好憎啲跑步x/運動x？……中晒毒成日話做人要正面 要有正能量……日日跑步自拍放上網來換取存在感，扮晒自己健康人生好積極好正能量….」，雖然文中未有指名道姓，但不少網民聯想起保錡。
保錡躺着也中槍，今日他在社交網發文表示：「其實俾人鬧咗一段時間，有一樣嘢真係好唔明，點解跑步同做運動就係扮正能量？唔可以係為興趣或者想身體健康，純粹好奇。」鍾培生即留言謂：「x你嗰班都唔係俾錢你嗰班有乜所謂」亦有網民貼出他當日悼念跑友枊俊江的長文，保錡續吐心聲表示：「一開始跑步嘅時候確實都係俾人鬧。跟住有一日柳爺DM我話一齊跑步，因為跑步嘅過程，大家傾咗好多偈，亦都學咗好多嘢，佢都改變咗我一啲想法，因為我都係一個唔開心嘅人，長期大壓力下生存，其實叫人正能量，同時間都係同自己講，叫自己正能量。我係一個蠢人，亦都係一個白癡，你唔係haters，感謝您。」他續指：「講真，我知道自己做咗啲白癡嘢，都確實覺得自己好on9，但係我鍾意做運動，仲要跑步踢波健身，亦都唔需要特登去同乜嘢人去做，亦都唔需要，因為點解去做。因為我只係純粹鍾意做。」 有網民指因為現在的他不可一世，給人的感覺很串，保錡就表示：「我唔串㗎，我廢㗎，你可以串我呀，可以鬧我」。
