阿七自爆在TVB化妝間被罵「賴死整頭」 。
現年32歲的TVB女藝人吳嘉儀（阿七），曾在《開心無敵獎門人》擔任「獎老」而為人認識，阿七於3月時在社交網公開鬧爆TVB幕後同事態度差，時隔兩個月後，昨午（10日）她再度爆seed 指在公司受到同事的不禮貌對待。
阿七指獲通知返公司試造型，但化妝間同事疑似未受到有關通知，並破口大罵：「你坐喺度賴死都唔會有人幫你整頭！」她在社交網發文表示：「其實我都係被通知返嚟試造型，準時換衫跟住入化妝間試嘢，我事前都唔知道冇book，咁溝通清楚咪大家都好做，試唔到咪唔試囉。唔使喺化妝間對岸大聲呼喝過嚟嘅。我搵個空位坐埋一邊，諗住打個電話問清楚啲個安排，仲要加句話我『賴死』。難道我特登老遠返嚟呃個古裝look？大家同事唔同部門都係做嘢啫，以禮相待好嗎？」
其後，她再自嘲是九線演員說：「#就算沒必要友善也不用苛刻 #針對一個九線演員有用嗎」受盡委屈的阿七之後到canteen 坐低食件熱狗，悲就中來，流出兩行眼淚；阿七又謂剛入行時，有前輩分享話後生要受吓氣，但她認為時代唔同，職場都講求互相尊重；最後她感謝朋友和同事們的問候，並表示：「做好自己本分，問心無愧。」
