吳文忻為自傳《因愛重生》舉行簽名會。(娛樂組攝)
吳文忻今日(21日)現身書展為自傳《因愛重生》舉行簽名會，她受訪被問到與結婚14年的丈夫陳劍陵離婚事宜，就重申不欲多談，「講咗一次，以後都唔講喇。」她自言近日雖然忙於宣傳新書，但保持每星期做Gym，健康狀況良好，透過簽名會接觸不少癌病患者，忽發奇想，密謀籌組「四仔同學會」，「想喺social media開群組，四期癌症病人可以join，其實所有cancer病人可以，只係統稱四仔，因為四期癌症比較嚴重，去到好無奈迷惘，希望可互相扶持。」她表示最近也有分享運用念力和光醫治的經驗，想帶頭開設群組，互相交流給予力量。
並非順風順水少奶奶
吳文忻自言心底帶著使命感，以過來人身份分享人生經驗，她在書中大爆娛樂圈醜聞，包括被迫陪酒和被性騷擾，問到可擔心後果時，她淡然表示，「我都無指名道姓，我都唔驚喇，寫自傳無理呢啲唔講，嗰啲又唔講，無乜意思，呢本自傳係將我最真實的經驗講出嚟，呢啲係事實。我想分享出來，讓大家知道唔係表面睇，順風順水做少奶奶，我係honest分享經歷，希望大家唔好諗歪。」
爆女兒收色情短訊好雀躍
自傳有兩章談及一對女兒，並刊登她們的照片，吳文忻表示孩子年紀仍少，暫未懂讀她的自傳，反而較關注母親在社交平台發布她們的照片或短片，「現在開始要經佢哋同意才po，因為佢哋開始長大有自己思想和意見。」她又大爆細女曾收過自稱是色情電影明星的短訊，「我即刻stop佢回覆，因為佢好雀躍。」問到一對女兒可有興趣加入娛樂圈，她指細女曾說過想做YouTuber或歌手，大女則較害羞，但她不擔心，「而家係全民造星嘅年代，唔係要加入大台先會紅，有social media，有能力就可做到自己心目中嘅super star，最緊要由細開始灌輸嘅信念，因為我都試過大太吓就冇咗，當有好多聲音時，就會好動搖。」
後悔衝口而出：越驚越死得快
經歷過與癌病對抗，吳文忻早前接受節目訪目，談及「快樂的死亡」，分享面對死亡的感受，「最記得有人問我，如果一個好接近死嘅人同我講好驚，我會點答，其實我當刻冇好認真諗清楚，但我第一個反應係答：『你越驚就越死得快』，我覺得衝口而出，但有四期患者同我講，聽完之後有咁驚，因為講出咗事實，但我有啲後悔，當一個好驚嘅人聽到應該好嬲。」
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
