吳日言（Yan）於英國雷丁的餐廳開小紅書宣傳 帳戶被舉報後下架
現年41歲嘅前歌手吳日言（Yan），上年與老公Barry及三名子女移居英國生活。吳日言除了忙於照顧家庭之外，仲重操故業在雷丁開餐廳，而餐廳已經在8月試業，吸引唔少居英港人幫襯。
雷丁餐廳8月試業
10月15日，吳日言於IG上載多個限時動態，因為餐廳有人包場，所以佢笑言自己唔使留在屋企畀小朋友蝦：「今日係special day，好多年青人嚟咗我舖頭，坐滿晒，好開心！」由於年青人喺餐廳唱K及打麻雀，令佢好掛住香港話：「好似去咗香港卡拉ok咁......好正，返自己舖頭聽到廣東歌，班年青人喺度唱緊K，好miss香港嘅夜晚，通常夜晚先會唱K同飲嘢。」
另外，有網民發現吳日言於小紅書為餐廳take your time resto開設帳戶作宣傳之用，不過帳戶已經被舉報下架。有網民留言話：「舉報已經通過，這個賬戶查不到了」。
原文刊登於 Yahoo 娛樂圈
吳日言餐廳的小紅書帳戶已經被舉報下架。
ADVERTISEMENT
立即更新/下載AM730手機APP 體驗升級功能
