吳業坤貼相疑向MIRROR挑機 網民洗版式負評：你想有新聞

RubberBand成員泥鯭早前在社交平台發文暗諷姜濤，引起雙方粉絲罵戰，其後RubberBand在IG公開道歉，但餘波未了；吳業坤日前在社交平台貼了一張自動門的照片，疑似是向MIRROR及鏡粉挑機，更引來網民洗版式負評。

坤哥於社交平台貼出一張自動門的照片，由於門上的標誌與MIRROR Logo十分相似，結果被鏡粉鬧爆，坤哥頓時成為泥鯭2.0，大量網民湧入他的社交平台留言負評：「唔關事嘅人你想有新聞？」、「唔怪得你一路紅唔起，原來咁幼稚」、「結咗婚大膽咗」，更有人貼出他昔日與黃心穎的合照留言：「果然同心穎係friend呀。」暗諷他與泥鯭同聲同氣。