「真漢子」吳浩康直言愛喝啤酒。
近年轉換人生跑道的「職安真漢子」吳浩康(Deep)，近日憑Man爆形象獲廣告商垂青，拍攝啤酒平面廣告，成功晉身啤酒KOL。Deep直言好驚喜，「估唔到自己平時放工鐘意飲返杯，飲到可以拍廣告，賺到奶粉錢。」 原來Deep本人也是品牌的忠實Fans，他更揚言會自陶腰包萬歲，讓炎夏收工的同事齊齊歎杯冰凍的放工啤，「仲可以喺老婆面前威返次，寓飲酒於工作，呢啲機會真係好難得！」
最難忍口
為配合今次廣告「放工啤」的主題，製作單位特別安排一間港式餐廳作為廣告場景，現場還準備了多款特色的大排檔鑊氣小炒和冰凍啤酒，Deep笑言：「講真飲啤酒真係難我唔到，估唔到今次最難係要忍口，廣告拍攝以為啲嘢食全部係道具，但見啲餸全部都熱辣辣、香噴噴，先知道大廚原來全程Standby，roll機前先即炒碟餸出嚟拍，面對住美食同啤酒呢個絕配，對於最近keep 緊fit嘅我真係忍得好辛苦，但為咗拍攝效果，唯有犧牲小我，哈哈，攞正牌又飲又食，真係爽到爆啊！」Deep打算儲起海報留念，「雖然仔仔宜家未飲得酒，但期待將來兩仔爺一齊啤啤佢，攞返個廣告出嚟話當年嘅溫馨畫面。」
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
