吳若希昨日到電台宣傳電視劇《波士早晨》的主題曲，今年回歸樂壇的她表示，會出多點新歌，而且今年會發行一張全新專輯，其中會收錄電視劇《誇世代》插曲《別再記起》。
在接受薛家燕的訪問時，吳若希大讚對方，並稱：「我家曾經發生事的時候，家燕姐俾咗我好多支持同鼓勵，所以我講過，只要家燕姐叫嘅，咩事我都會去支持佢！」
一仔一女湊「好」字
提到老公為了她開始長住香港，吳若希表示：「都係因為佢喺香港有生意項目，所以就多咗住喺度，而個女因為仲未返幼稚園，而家都係港澳兩邊走。」她又提到，與老公已經有共識，希望三年之後再生BB，「都會想生個男仔，一子一女先湊到個『好』字嘛！」
吳若希與Alex去年簽紙註冊結婚。