周深成首位啟德主場館開騷內地歌手 空靈音色男女聲切換自如被譽國寶級歌手
啟德體育園開幕後，樂迷又多咗一個欣賞演唱會嘅地方。近日有消息指被譽為「國寶級歌手」嘅內地男歌手周深將會喺今年12月31日及2026年1月1日喺啟德開騷，為場館首位演出嘅內地歌手；據悉，最貴嘅門票價格為港幣$1,680元。
擅長男聲女嗓演唱方式
32歲周深美聲唱法科班出身，於2014年參加《中國好聲音第三季》正式出道，擅長男聲女嗓嘅演唱方式，《大魚》、《燈火裡的中國》等歌曲大受好評。2022年，於江蘇衛視跨年演唱會與鄧麗君合唱《小城故事》、《漫步人生路》、《大魚》3首歌。被指溫柔歌聲搭上天籟美聲，令網民激讚，表示聽到好感動。去年5月，周深展開巡迴演唱會，包括首站上海、深圳、成都、北京、英國、多倫多等地；其後於10到港為第四屆粵港澳大灣區文化藝術節開幕節目《聲音河流》獻唱，當時票價由數百元炒到天價。
原文刊登於 Yahoo 娛樂圈
立即更新/下載AM730手機APP 體驗升級功能
