李施嬅回家後拍片報平安。
國泰航空一班由香港飛往美國的航機，今日 （24日）凌晨在起飛前發生故障，需要取消起飛。機組人員偵察到技術故障終止起飛，飛機返回登機閘口，乘客由6個艙門逃生滑梯離開飛機，場面驚險。藝人李施嬅原來當時就在航機上，她回家後在社交平台分享當刻直擊的片段及報平安。
片中見現場一片混亂，乘客從求生滑梯瀡下，見到亦有乘客受傷，施嬅表示：「我平安返到屋企啦，報個平安先！我係第一次喺跑道飛機好高速時無端端dup brake停，啲嘢冧晒，個個都好驚，跟住空姐／captain(機長)話要evacuate(疏散)，大家都好緊張，大嗌好混亂，令我個人都震晒，其實都好驚嗰一刻，跟住瀡滑梯即刻彈出嚟，個個都要瀡落去，好多人都損晒，好感恩就係captain係我哋take off之前嗰刻發現有問題，即刻dup brake煞停，無起飛到，如果起飛咗仲麻煩。」
最後她表示：「我都好感恩，雖然係幾驚嘅一件事，但係大家都平安冇事，唔飛住都唔緊要，辛苦咗咁多位工作人員、空姐、飛機師。」而施嬅回家休息3小時後，今早已經再到機場出發，她表示雖然經歷呢件事，但亦不會有驚恐，同時感恩大家都冇事，大步檻過。
李施嬅機上直擊驚險一刻。
李施嬅表示「啲嘢冧晒 個個都好驚」。
amjetso 20周年大激賞│請你嘆香港迪士尼樂園酒店及迪士尼探索家度假酒店餐飲美饌
