外傭態度疏忽疑搏炒 莊韻澄1歲半兒子燒著頭髮
喺《正義迴廊》演「表姐」嘅莊韻澄，近日向媒體透露家中外傭懷疑因為「搏炒」，對家務隨便處理，更差啲釀成家居意外。
莊韻澄家中有2位外傭，工作盡責嗰位叫V，另一位態度麻麻叫R。本月初，莊同老公外出時，R無按指示將香薰爐放好，仲要放喺滿佈雜物嘅窗台，十分牙煙。後來莊韻澄一歲半嘅仔仔「波子」更加因為咁而燒著頭髮。好在V發現立即用手拍熄，並且通知莊夫婦。莊趕回家了解之後，V不停道歉，反而R不聞不問。
外傭態度疏忽疑搏炒 莊韻澄1歲半兒子燒著頭髮
之後莊韻澄翻睇閉路電視了解，仲搵以前喺佢屋企打工嘅外傭翻繹V同R之間對話內容。原來事發後，V事後好緊張波子傷勢，仲為佢祈禱。而R居然只係笑同照鏡，令莊韻澄十分激氣。後來莊更從V得知，事發前已經工作態度唔好嘅R，係想搏炒，等莊韻澄一家要賠錢打發。
至於燒著頭髮嘅波子，事後頭頂有一忽大約3cm嘅皮膚燒禿，並且紅咗一撻，幸而傷勢唔嚴重。
原文刊登於 Yahoo娛樂LOL，am730獲授權轉載