張敬軒歌迷會伸出援手，主動查受災歌迷地址聯絡。
大埔宏福苑發生五級大火，事件受到各地關注，不少香港藝人都暫緩所有商業活動，更伸出援手有錢出錢，有力出力。而張敬軒的歌迷會亦主動向歌迷會的受災歌迷給予支援。
收信感動落淚
有受災歌迷在社交網分享了一個手寫信封，下款是「Hins and HCFC」(即張敬軒及張敬軒歌迷會），該受災歌迷表示昨日在忙亂之中收到陌生來電，原來是張敬軒歌迷會的職員致電，他表示：「職員打嚟，話見到我喺歌迷會登記嘅地址，知道我係受災居民，所以想略盡綿力給予支援。」他續指：「見到面嘅時候忍唔住喊咗出嚟，呢兩日唔食唔瞓，安頓家中老人、幫街坊處理資訊、整理有用資料，完全冇時間處理自己情緒，嗰一刻有人關心自己，啲眼淚忍唔住。」該受災歌迷感謝張敬軒的心意，以及歌迷會職員的奔波，並表示：「你哋嘅付出令我喺無情嘅大火感受到溫暖，我會將呢份愛傳遞出去。」
受災歌迷收張敬軒歌迷會的手寫來信，感動落淚。
