楊秀惠上載女兒小手照片。
楊秀惠去年宣布成為人妻，今年1月飛回家鄉馬來西亞過節時，遇上新冠肺炎肆虐，大馬封國，以致未能回港宣傳其新劇《十八年後的終極告白》。當楊秀惠在IG上載Fit爆泳照時，原來她已秘密誕下一女！昨日她在IG上載囡囡的小手，並表示今年可以母親身份慶祝母親節！
楊秀惠寫道︰「在馬來西亞因為疫情和行動管制的原因，baby出生的過程真的一點也不容易，不斷出現很多變數和突發事件。但慶幸我的女兒終於安全出世了，在這裡再次多謝馬來西亞醫護人員的悉心照顧，預祝佢哋和世界各地嘅醫護人員可以盡快抗疫成功。」
楊秀惠透露，BB重6磅，主力以母乳餵哺，名字簡寫與她一樣叫「VY」，由於因疫情關係，老公未有入產房陪產。她稱疫情令剖腹生B添了很多不確定因素：「醫院嘅手術室唔係隨時話想做手術就會有，手術室主要係留俾啲緊急嘅事故，之不過就算真係好緊急，入院前都要做血液同深喉測試，等報告出咗之後，先可以做手術。我事前要俾個日子醫院，批准先可以做，所以之前一直都唔知邊一日可以，日日都有變動，真係好擔心，好彩之後嘅事都好順利。」
【立即參加】送Rollink全球最輕薄可摺疊手提行李箱🧳！
