葉蒨文、關嘉敏及羅毓儀到尖沙咀碼頭邀請多位途人試玩《是咁的 我同女神sssss做咗室友》。(娛樂組攝)
葉蒨文、羅毓儀及關嘉敏今日到尖沙咀碼頭邀請多位途人下載myTV SUPER並試玩其中一段《是咁的 我同女神sssss做咗室友》，簡單說出遊玩感受。期間追求關嘉敏的蘭桂坊攝影達人Andy途經該處，即獲邀試玩遊戲。
葉蒨文(Sophie)早前患上流感及支氣管炎，她透露支氣管炎仍未斷尾，需要吸哮喘藥及服食中藥。問到GM曾展望有沒有關心她，Sophie說︰「梗係有！好多人都有關心我！佢試下唔關心我！(佢噓寒問暖程度去到邊？)中醫真係話我虛寒，佢有送暖嘅！」提到他們同床的畫面竟是GM的手放在她身上，她表示當日拍攝去到凌晨，前一日又只睡了一小時，所以很快便睡著，完全不知道對方的手放在她的身上。「連有人當我係手枕都唔知，最近真係同中醫有緣，又要睇中醫，又被人當手枕把脈咁！」
葉蒨文邀請途人接受訪問。(娛樂組攝)
有眼利的網民發現她跟GM手上都戴了同款的珠串，問到是否定情信物，Sophie則指手上的紅繩表示︰「係拜神啲幸運繩，事業、財運乜都有啲！只要去拜神就獲得一條！(得你同佢去拜神？)好多人一齊去拜神，係成村人！」此時在旁的關嘉敏及羅毓儀笑過不停，關嘉敏更謂︰「我唔係其中一個人，世界上都有好多人！」
再問到有網民已為她及GM的小朋友改名，Sophie說︰「到時再算，如果有機會有小朋友。自己都係想生一仔一女，但我冇話同邊個生呀！」
由於上一集提到她今年的命格是「反吟局」，代表「諗嘢反覆、選擇反覆、思維反覆、情緒反覆」，暫時未見到可以發展長遠的對象，當下Sophie面色一沉，Sophie說︰「其實當日全日都好陰沉，因為喺個營火晚會大家飲咗少少酒，訴說好多內心嘅嘢，分別同男嘉賓深入傾偈，釋放咗啲情感，內心有啲沉重，所以見到師傅時係咁嘅樣。」
ADVERTISEMENT
😋請你嘆香港迪士尼20周年下午茶👇立即登記👇
