蔡一鳳將於周日舉行籌款晚宴，並找來陳嘉容幫忙培訓一群小模特兒為當晚作時裝表演。據知蔡一鳳將於當晚捐出合共數百萬元的鑽飾及10個Hermès手袋作慈善拍賣。當提到與利嘉兒不和的報道，原本笑笑口的蔡一鳳就收起笑容，更明
言︰「唔夾係好難做朋友」。
早前有報道指蔡一鳳不時介紹名人朋友予利嘉兒認識，但有傳利嘉兒私下約蔡一鳳的朋友聚會，此舉令蔡一鳳感到被對方「過橋抽板」。「本身自己好怕是非，報道出街第一日已經唔想回應，其實大家處理事情嘅方式唔一樣，搞到好肉酸，唔夾係好難做朋友。其實佢可以搵我傾都OK，但大家都好耐冇見面，有啲嘢唔需要攞出嚟講，搞到大家都唔好聽。」她又指大家只是疏遠了，並沒有不和。再問到慈善晚宴或百日宴是否沒有邀請利嘉兒，她說︰「我係冇請嘅。」
提到3個月大的龍鳳胎，她說因為餵哺母乳，所以每隔數小時就要餵奶，就連晚上也平均3小時起身一次。她又指老公盛品儒只會跟一對仔女玩樂，「佢每日返工前同仔女玩下先出去，之後又好早返屋企同佢哋玩，個女好嗲佢，我都有個仔，一人一個唔使爭。」
蔡一鳳結婚時，利嘉兒曾擔任伴娘。