姜大衛今日（12日）出席TVB劇集《麻雀樂團》宣傳活動。（娛樂組攝）
姜大衛今日（12日）出席TVB劇集《麻雀樂團》宣傳活動。姜大衛接受訪問回應與狄龍屢傳不和多年，他馬上否認：「只不過我哋大家冇來往。」提到是否真正不和原因是與張徹有關，他表示：「絕對唔係，呢一樣嘢大家唔需要去猜測，只不過年紀大咗做嘅嘢唔一樣，大家拍戲唔係一齊，其實係冇乜特別！」被問到若果狄龍主動相約食飯，到時候會否出席，他回應：「到時睇吓大家時間，真係冇所謂！」至於與狄龍的兒子譚俊彥拍戲，會否出現尷尬的問題，他說：「係咪想我唔同譚俊彥拍戲？我唔會理呢啲嘢。」他強調與譚俊彥拍戲並不會出現尷尬的問題。
姜大衛：其實拖手係好簡單嘅事好小事
提到兒子姜卓文（細John）被指有新戀情與性感網紅CoCo拍拖，他說：「我唔知係邊個發出嚟，係咪嗰個女仔發出嚟㗎？我問過佢係咪（拍拖），如果係都冇所謂，不過佢有同我講只不過係網上認識，認識咗好多年，淨係影張相，食過兩三次飯。」講到網上熱烈討論細John與CoCo拖手的照片，他表示：「其實拖手係好簡單嘅事好小事。」至於會否介意兒子未來的女友打扮得太性感，他說：「呢樣嘢就佢自己揀，最緊要唔好敗壞風氣就得。」講到有否關心細John與關嘉敏的進展，他表示：「我每個禮拜都追緊《女神配對計劃》，我唔會問佢究竟係點，我寧願自己睇。」
ADVERTISEMENT
立即更新/下載AM730手機APP 體驗升級功能
