姜濤、Anson Lo、Edan和Jeremy將於11月的《CHILL GENKI》音樂祭，與日本二人女子組合Puffy crossover。(娛樂組攝)
MIRROR「妹豬組」成員姜濤、盧瀚霆(Anson Lo)、呂爵安（Edan）、李駿傑(Jeremy)今日於馬鞍山出席《CHILL GENKI音樂祭》記者會，四子將於11月1日在西九文化區竹翠公園，與日本女子組合PUFFY 大玩crossover，屆時日本頻道株式會社CBC都會作現場直播。首次與前輩Puffy合作，Jeremy表示要努力學日文跟前輩打招呼，以免失禮；Edan續指自小看日本漫動，希望可以唱其中的經曲主題曲，Anson Lo就表示同台表演有壓力，要努力準備。
純以fans身份集郵
姜濤、Edan和Stanley昨晚於澳門出席NBA活動，姜濤罕有地主動邀請林書豪合照，並在IG發長文分享集郵過程，他直言好開心：「好少打咁長篇文，因為真係一個夢想，我都係因為林書豪先打波，所以見到佢嗰時都好感動，都係一種激勵，無論佢遇到咩嘢困難都好努力去克服，都俾自己一種能量。」他自言第一次見偶像真身，沒有自我介紹，只以fans身份邀請合照，「最遺憾睇唔到佢打波。但上帝聽到我心聲俾我見到佢，我會再多啲祈禱，睇吓有咩可實現。」
與林明禎同場 Edan：佢睇NBA
談到Stanley在他與林書豪之間「攝位」，舉V字手勢「合照」，姜濤笑言，「呢個係佢風格，後來我哋3個都有同佢合照。」Edan自爆早姜濤一步集郵，大讚林書豪非常友善，「冇諗過佢會po我哋合照，仲喺IG tag我哋，即刻cap低張相。」他續指沒想過可以一次過見到O'Neal、姚明、碧咸等傳奇人物，談到林明禎同場現身，Edan就表示，「佢梗係睇NBA啦，嗰邊邀請，唔係我邀請。」他與Stanley當晚也有去看王嘉爾演唱會，希望可從中偷師，但姜濤因要臨時處理新專輯事宜未能同行。
姜濤潛水冇陰影：我浸過鹹水嘛
談到早前姜濤前往馬爾代夫旅行，學潛水並po露背照，獲網民讚修身成功，姜濤就謙說未滿意，仍需努力。問到為何會po露背相，他直言，「一時興起，(感到後悔？)短期內唔會再po，始終唔想咁多人討論，所以做人唔可以一時興起。」問到可有拍攝正面半裸照，他就回應：「冇影，費時嚇親人。」談到為何會學潛水，他幽默回應：「屬於浪濤一部分，需要學潛水，同海水融為一體。(有冇陰影？)梗係冇，浸過鹹水嘛，鍾意咗安全地喺水入面。」但他未有計劃考潛水牌。
「老婆」被偷望會呷醋
考車牌一take合格的他直認已買新車，並在《馬時亨．獅子山精神》節目中，以「老婆」形容座駕，他笑言，「我望得，大家唔好望，我老婆好怕醜。」不過Edan和Jeremy就自爆曾偷望過，姜扮作嬲豬豬，「我會呷醋！」除了花姐之外，暫未有MIRROR兄弟做過他乘客。
Anson Lo唯一鏡仔冇車牌
Anson Lo成為MIRROR中唯一未有車牌的成員，他自言會以此作目標，不過就被姜濤半說笑道：「因為佢有司機！」Anson Lo急忙澄清。Anson Lo將於12月6至9日於亞博舉行四場個人演唱會，談到演唱會海報露腰非常性感，「好彩呢大半年都有節制，管理身形，否則著嗰件衫都驚，要繼續努力。」他自言拍照時無需狂再谷肌，笑言要讚自己平時辛勞操練有成果。
Anson Lo欲邀前輩做嘉賓
至於嘉賓方面，他表示仍未落實，但他透露，「可能係一啲大家嘅回憶，要就到各位前輩嘅檔期都有困難。」至於可會邀請Edan做嘉賓再次深情對話，Edan率先表態，「我未成為兒時回憶，未有我份。」他表示目前會全力為個唱作準備，完成個唱後才會繼續拍杜Sir電影，Edan就表示近日亦忙於拍電影，希望在明年上半年推出。
ADVERTISEMENT
