25歲的郭澧羲(Hayson)因網上真人騷《好想大聲說愛你嘅呢》而多了人認識。
「喱騷」主辦的戀愛真人騷《好想大聲說愛你嘅呢》參賽者郭澧羲（Hayson），今年25歲。為了讓更多人認識自己，決定參與這個節目，並完成各種香港電視史上最激最大尺度的任務。原來在這位年輕男孩背後，有著艱辛的追夢過程，更差點獲姜濤幫口說服經理人花姐讓他入圍《全民造星》海選！
因為渴望入行，Hayson曾經簽過模特兒公司，但是結果卻和他想像的完全不同，不但沒有機會接觸音樂，更被舊公司欠薪。嘗試過做模特兒、拍短片等，Hayson發覺自己最享受製作音樂，所以最後決定向音樂方面發展，他說：「因為覺得音樂先可以最能夠表達到我想表達嘅嘢。我好享受喺台上面唱歌俾人哋聽。最願意花時間喺音樂上面，試過唱歌彈琴20個鐘冇停過。」現階段的Hayson表示想自己準備好後才簽一間好的唱片公司，想有足夠實力去應付一切挑戰，現在會積極裝備自己。
Hayson(左)除了希望讓更多人認識他外，亦希望透過節目了解自己想要一段怎樣的感情。
姜濤很會照顧人
提到剛入模特兒公司時，Hayson準備拍攝一個快餐店廣告，姜濤是那次拍攝的主角，巧遇姜濤，他表示那次經歷很深刻：「可能因為嗰度全部都係外籍人士，姜濤唯有同我傾偈，佢講笑問我：『Hayson，你有冇參加造星呀？』」當時我回答我有參加但是沒有海選機會，姜濤驚訝反問：「點會啊？你個樣都似（會入圍）啊！」他更說笑：「可能花姐掉咗你份form ，
不如咁啊，我依家幫你同花姐講。」Hayson頓時嚇了一跳，同時亦覺得很窩心，他說：「姜濤比我想像中nice，嗰陣真心feel到佢想幫我，可能佢而家唔記得，但係我覺得好開心好感激佢。」
Hayson拍廣告時，與姜濤合作，對方的舉動令他非常窩心。
田蕊妮著重素人意見
Hayson參與《好想大聲說愛你嘅呢》主要希望有機會讓更多人認識自己，其次是因為過去的愛情路上都未清楚知道自己追求甚麼，希望節目後可以更了解自己想要一段怎樣的感情。提到節目監製田蕊妮，他表示這個前輩很值得尊敬：「同佢合作原本我好大壓力，但係點知原來佢咁nice。同埋發覺佢都係一個好感性嘅人，拍攝時有感動位會同我哋一齊喊。節目中有一部份要做戲，佢唔介意要花一整日同我哋去排戲，俾意見我哋。即使佢係監製佢都冇訂一個框架限制我哋，反而問我哋想點做，冇諗過一個前輩會聽一個素人嘅意見。」
髮型：Sunny Yip @Salon Lush Garden
服裝 : HARRISON WONG
場地：浮生
Hayson自覺比起其他人遲起步，決定為了事業放棄愛情。