姜濤回應泥鯭言論 虛心接受前輩提點：多謝佢

MakerVille今日舉行記者會宣布MIRROR將辦《MIRROR "In My Sight" Solo Concert 2023/24》，成員姜濤、盧瀚霆（Anson Lo）、柳應廷（Jer）、呂爵安（Edan）下午現身太古城，吸引大批粉絲到場支持。活動結束後，姜濤接受訪問時回應RubberBand成員泥鯭言論，他自言都有留意自己引起的風波，並表示一向對前輩意見會虛心接受，並說：「多謝佢（泥鯭）。」經常有留意不同評論，情緒沒有受影響。

事源姜濤在ViuTV的《CHILL CLUB 推介榜 年度推介 22/23》頒獎台上獲得男歌手銀獎後，逐一向MIRROR隊友講出心底話，泥鯭之後留言說︰「多謝說話定係『鼓勵』說話？！WTX？！係咪short X咗？！修哥都講唔出啦。」日前，MIRROR隊友AK江𤒹生（Anson Kong）、Stanley邱士縉也分別指其致謝詞可能過長，姜濤坦言思考過自己言論都有唔妥當地方，但以最真誠的心表達自己想表達的，只要唔好傷害別人。對於姜糖好嬲，他指人沒有完美，自己也會反省做得不好之處，希望與姜糖一齊成長。