姜濤於下午3時20分到麥花臣為傍晚活動彩排。
MIRROR成員姜濤昨日於下午4時許在西區副食品批發市場附近墮海，救獲時清醒，隨即送往瑪麗醫院，並已轉往私家醫院。今日他與隊友盧瀚霆(Anson Lo)、呂爵安(Edan) 及李駿傑(Jeremy)出席見面會，活動於下午5時30分開始，4位成員由下午3時開始先後抵達會場，姜濤的座駕於下午3時20分到場。
姜濤未有拉開窗簾，而在場則有不少姜糖手持印有姜濤頭像及紙扇到場為偶像打氣。未知是否擔心出現混亂，會場門外駐守大批軍裝及便衣警察戒備。
姜糖︰佢生理、心理都OK
現場姜糖接受訪問時表示昨日聽到消息之後，心情好忐忑，「我哋永遠支持佢，叫佢加油！做好自己本份，唔好理任何嘢。」提到網上有言論認為今日姜濤應該要休息，她們說︰「咁又唔係嘅，佢唔想令姜糖失望！(心唔心痛？)會呀！(會唔會都想佢休息？)會呀！但係姜都係堅持做好自己，所以佢一定會出席，我哋對佢有信心，佢無事！佢生理、心理都OK嘅！」
姜糖︰上多啲903就啱啦
問到她們有沒有說話跟姜濤的公司MakerVille說，她們諗了一會便說︰「希望佢對姜好啲！(例如？)有歌又唔便宣傳，希望佢多啲曝光率！上多啲903就啱啦！佢亦都好想多啲機會見我哋，俾多啲機會佢上多啲騷！」現場接受訪問的姜糖表示因為未能買到飛入場，所以特別來現時為姜濤打氣。
拒信姜濤會飲酒
對於姜濤墮海的說法，這班姜糖語帶憤怒說︰「唔信！跑步又點會飲到酒，好奇怪囉！姜本身都跑開步㗎！佢唔會飲酒！講到好好笑囉！俾人救番，點會答到自己啱啱飲酒，正常人跑步都唔會飲酒！佢今日有活動，前一日一定會跑步囉！我哋唔會信佢飲酒！不實報道呀！我哋都想投訴呀！」
其後一班姜糖在會場旁邊的公園集合影大合照及大叫口號︰「姜濤，加油！我哋支持你！」之後不停重覆大叫姜濤的名字。
姜糖表示不會相信姜濤會飲酒。
姜濤曾在節目中飲紅酒，只是飲少少，並稱自己飲完酒很快面紅，但不會醉。
