姜濤總結今次演唱會「玩得好開心」。(林俊源攝)
一連四場姜濤個人演唱會《姜濤Keung To "Waves" In My Sight》已圓滿結束，完騷後他接受傳媒訪問，當中談及到今次邀請嘉賓的安排，特別是能夠請來羅志祥(小豬)，更加是夢想成真。
姜濤形容林海峰好神秘
姜濤在訪問中提到，舉行演唱會是他的夢想，能夠邀請到羅志祥擔任嘉賓也是另一個夢想，「我喺馬來西亞有邀請他。」至於另外3場嘉賓，包括林海峰、張繼聰、謝安琪及方令山，則是透過公司邀請，姜濤特別談及林海峰，「因為我覺得佢好神秘，想佢俾意見，同埋想知佢點睇我，點知佢一輪嘴咁講，又將大家笑我嘅嘢變成笑話，自己都好開心。」當被問到與謝安琪同台是否很緊張時，姜濤表示：「佢私下同我講，要做啲令大家尖叫嘅事，所以選擇咗拖手，但因為阿聰在場，搞到我都唔好意思，手汗都出埋。」
自覺值75分
對於今次個唱表現是否滿意，姜濤自言演出值75分，「因為自己首次個唱，有好多地方做得不足，例如聲線同體力上。」
提到在尾場特別選唱《Dear My friend,》，姜濤稱自覺應該無問題，加上是重要日子，所以決定在台上演繹。總結今次演唱會，姜濤形容玩得好開心，並藉此告訴大家，以前的姜濤回來了。
