姜濤送飛吻 小妹妹：我知你唔係叫Anson Lo

姜濤早前在IG分享與小妹妹的互動片段，被誤認為Anson Lo的他大表無奈。昨晚(19日)他上載新一段短片，姜濤問小妹妹「我是誰」時，小妹妹精靈回答：「你叫姜濤，依家我知你唔係叫Anson Lo喇個英文名。」姜濤開心得送上飛吻，並追問：「鍾意邊個？」小妹妹非常醒目答道：「姜濤就姜濤，Anson Lo還Anson Lo，我依家識分。」

姜濤再問小妹妹：「你鍾意邊個多啲？」小妹妹不斷強調：「Same」姜濤與另一小朋友要求她在MIRROR中揀選一個，小妹妹說全部都識，並顯得有點苦惱，此時Stanley走近問姜濤：「做咩搞我個女呀？」姜濤反問：「邊個搞你個女？」Stanley對小妹妹說：「晴晴，我哋返嚟嘞！」姜濤笑指Stanley是怪叔叔。

介紹番，此小妹妹名叫阿Bean(楊千筱)，拍過滙豐等不少廣告，也曾與周家怡合作。

捱冷拍《季前賽》

另外，近日姜濤與MIRROR隊友Stanley和Edan(呂爵安)、ERROR的193(郭嘉駿）等在寒冷天氣下拍攝《季前賽》，個個凍到蓋著毛氈保暖，姜濤更說過要暖風機不要女友。強尼上載各人蓋著毛氈的照片，其中有一位由頭包到腳，請網民猜猜他是誰，最後揭盅是Stanley。